| |
|
| श्री वेङ्कटेश्वर सुप्रभातम् |
śrī veṅkaṭeśvara suprabhātam |
| |
|
| कौसल्या सुप्रजा राम पूर्वासन्ध्या प्रवर्तते ❘ |
kausalyā suprajā rāma pūrvāsandhyā pravartate ❘ |
| उत्तिष्ठ नरशार्दूल कर्तव्यं दैवमाह्निकम् ‖ 1 ‖ |
uttiśhṭha naraśārdūla kartavyaṃ daivamāhnikam ‖ 1 ‖ |
| |
|
| उत्तिष्ठोत्तिष्ठ गोविन्द उत्तिष्ठ गरुडध्वज ❘ |
uttiśhṭhottiśhṭha govinda uttiśhṭha garuḍadhvaja ❘ |
| उत्तिष्ठ कमलाकान्त त्रैलोक्यं मङ्गलं कुरु ‖ 2 ‖ |
uttiśhṭha kamalākānta trailokyaṃ maṅgaḻaṃ kuru ‖ 2 ‖ |
| |
|
| मातस्समस्त जगतां मधुकैटभारेः |
mātassamasta jagatāṃ madhukaiṭabhāreḥ |
| वक्षोविहारिणि मनोहर दिव्यमूर्ते ❘ |
vakśhovihāriṇi manohara divyamūrte ❘ |
| श्रीस्वामिनि श्रितजनप्रिय दानशीले |
śrīsvāmini śritajanapriya dānaśīle |
| श्री वेङ्कटेश दयिते तव सुप्रभातम् ‖ 3 ‖ |
śrī veṅkaṭeśa dayite tava suprabhātam ‖ 3 ‖ |
| |
|
| तव सुप्रभातमरविन्द लोचने |
tava suprabhātamaravinda lochane |
| भवतु प्रसन्नमुख चन्द्रमण्डले ❘ |
bhavatu prasannamukha chandramaṇḍale ❘ |
| विधि शङ्करेन्द्र वनिताभिरर्चिते |
vidhi śaṅkarendra vanitābhirarchite |
| वृश शैलनाथ दयिते दयानिधे ‖ 4 ‖ |
vṛśa śailanātha dayite dayānidhe ‖ 4 ‖ |
| |
|
| अत्र्यादि सप्त ऋषयस्समुपास्य सन्ध्यां |
atryādi sapta ṛśhayassamupāsya sandhyāṃ |
| आकाश सिन्धु कमलानि मनोहराणि ❘ |
ākāśa sindhu kamalāni manoharāṇi ❘ |
| आदाय पादयुग मर्चयितुं प्रपन्नाः |
ādāya pādayuga marchayituṃ prapannāḥ |
| शेषाद्रि शेखर विभो तव सुप्रभातम् ‖ 5 ‖ |
śeśhādri śekhara vibho tava suprabhātam ‖ 5 ‖ |
| |
|
| पञ्चाननाब्ज भव षण्मुख वासवाद्याः |
pañchānanābja bhava śhaṇmukha vāsavādyāḥ |
| त्रैविक्रमादि चरितं विबुधाः स्तुवन्ति ❘ |
traivikramādi charitaṃ vibudhāḥ stuvanti ❘ |
| भाषापतिः पठति वासर शुद्धि मारात् |
bhāśhāpatiḥ paṭhati vāsara śuddhi mārāt |
| शेषाद्रि शेखर विभो तव सुप्रभातम् ‖ 6 ‖ |
śeśhādri śekhara vibho tava suprabhātam ‖ 6 ‖ |
| |
|
| ईशत्-प्रफुल्ल सरसीरुह नारिकेल |
īśat-praphulla sarasīruha nārikeḻa |
| पूगद्रुमादि सुमनोहर पालिकानाम् ❘ |
pūgadrumādi sumanohara pālikānām ❘ |
| आवाति मन्दमनिलः सहदिव्य गन्धैः |
āvāti mandamanilaḥ sahadivya gandhaiḥ |
| शेषाद्रि शेखर विभो तव सुप्रभातम् ‖ 7 ‖ |
śeśhādri śekhara vibho tava suprabhātam ‖ 7 ‖ |
| |
|
| उन्मील्यनेत्र युगमुत्तम पञ्जरस्थाः |
unmīlyanetra yugamuttama pañjarasthāḥ |
| पात्रावसिष्ट कदली फल पायसानि ❘ |
pātrāvasiśhṭa kadalī phala pāyasāni ❘ |
| भुक्त्वाः सलील मथकेलि शुकाः पठन्ति |
bhuktvāḥ salīla mathakeḻi śukāḥ paṭhanti |
| शेषाद्रि शेखर विभो तव सुप्रभातम् ‖ 8 ‖ |
śeśhādri śekhara vibho tava suprabhātam ‖ 8 ‖ |
| |
|
| तन्त्री प्रकर्ष मधुर स्वनया विपञ्च्या |
tantrī prakarśha madhura svanayā vipañchyā |
| गायत्यनन्त चरितं तव नारदोऽपि ❘ |
gāyatyananta charitaṃ tava nāradoapi ❘ |
| भाषा समग्र मसत्-कृतचारु रम्यं |
bhāśhā samagra masat-kṛtachāru ramyaṃ |
| शेषाद्रि शेखर विभो तव सुप्रभातम् ‖ 9 ‖ |
śeśhādri śekhara vibho tava suprabhātam ‖ 9 ‖ |
| |
|
| भृङ्गावली च मकरन्द रसानु विद्ध |
bhṛṅgāvaḻī cha makaranda rasānu viddha |
| झुङ्कारगीत निनदैः सहसेवनाय ❘ |
jhuṅkāragīta ninadaiḥ sahasevanāya ❘ |
| निर्यात्युपान्त सरसी कमलोदरेभ्यः |
niryātyupānta sarasī kamalodarebhyaḥ |
| शेषाद्रि शेखर विभो तव सुप्रभातम् ‖ 10 ‖ |
śeśhādri śekhara vibho tava suprabhātam ‖ 10 ‖ |
| |
|
| योषागणेन वरदध्नि विमथ्यमाने |
yośhāgaṇena varadadhni vimathyamāne |
| घोषालयेषु दधिमन्थन तीव्रघोषाः ❘ |
ghośhālayeśhu dadhimanthana tīvraghośhāḥ ❘ |
| रोषात्कलिं विदधते ककुभश्च कुम्भाः |
rośhātkaliṃ vidadhate kakubhaścha kumbhāḥ |
| शेषाद्रि शेखर विभो तव सुप्रभातम् ‖ 11 ‖ |
śeśhādri śekhara vibho tava suprabhātam ‖ 11 ‖ |
| |
|
| पद्मेशमित्र शतपत्र गतालिवर्गाः |
padmeśamitra śatapatra gatāḻivargāḥ |
| हर्तुं श्रियं कुवलयस्य निजाङ्गलक्ष्म्याः ❘ |
hartuṃ śriyaṃ kuvalayasya nijāṅgalakśhmyāḥ ❘ |
| भेरी निनादमिव भिभ्रति तीव्रनादम् |
bherī ninādamiva bhibhrati tīvranādam |
| शेषाद्रि शेखर विभो तव सुप्रभातम् ‖ 12 ‖ |
śeśhādri śekhara vibho tava suprabhātam ‖ 12 ‖ |
| |
|
| श्रीमन्नभीष्ट वरदाखिल लोक बन्धो |
śrīmannabhīśhṭa varadākhila loka bandho |
| श्री श्रीनिवास जगदेक दयैक सिन्धो ❘ |
śrī śrīnivāsa jagadeka dayaika sindho ❘ |
| श्री देवता गृह भुजान्तर दिव्यमूर्ते |
śrī devatā gṛha bhujāntara divyamūrte |
| श्री वेङ्कटाचलपते तव सुप्रभातम् ‖ 13 ‖ |
śrī veṅkaṭāchalapate tava suprabhātam ‖ 13 ‖ |
| |
|
| श्री स्वामि पुष्करिणिकाप्लव निर्मलाङ्गाः |
śrī svāmi puśhkariṇikāplava nirmalāṅgāḥ |
| श्रेयार्थिनो हरविरिञ्चि सनन्दनाद्याः ❘ |
śreyārthino haraviriñchi sanandanādyāḥ ❘ |
| द्वारे वसन्ति वरनेत्र हतोत्त माङ्गाः |
dvāre vasanti varanetra hatotta māṅgāḥ |
| श्री वेङ्कटाचलपते तव सुप्रभातम् ‖ 14 ‖ |
śrī veṅkaṭāchalapate tava suprabhātam ‖ 14 ‖ |
| |
|
| श्री शेषशैल गरुडाचल वेङ्कटाद्रि |
śrī śeśhaśaila garuḍāchala veṅkaṭādri |
| नारायणाद्रि वृषभाद्रि वृषाद्रि मुख्याम् ❘ |
nārāyaṇādri vṛśhabhādri vṛśhādri mukhyām ❘ |
| आख्यां त्वदीय वसते रनिशं वदन्ति |
ākhyāṃ tvadīya vasate raniśaṃ vadanti |
| श्री वेङ्कटाचलपते तव सुप्रभातम् ‖ 15 ‖ |
śrī veṅkaṭāchalapate tava suprabhātam ‖ 15 ‖ |
| |
|
| सेवापराः शिव सुरेश कृशानुधर्म |
sevāparāḥ śiva sureśa kṛśānudharma |
| रक्षोम्बुनाथ पवमान धनाधि नाथाः ❘ |
rakśhombunātha pavamāna dhanādhi nāthāḥ ❘ |
| बद्धाञ्जलि प्रविलसन्निज शीर्षदेशाः |
baddhāñjali pravilasannija śīrśhadeśāḥ |
| श्री वेङ्कटाचलपते तव सुप्रभातम् ‖ 16 ‖ |
śrī veṅkaṭāchalapate tava suprabhātam ‖ 16 ‖ |
| |
|
| धाटीषु ते विहगराज मृगाधिराज |
dhāṭīśhu te vihagarāja mṛgādhirāja |
| नागाधिराज गजराज हयाधिराजाः ❘ |
nāgādhirāja gajarāja hayādhirājāḥ ❘ |
| स्वस्वाधिकार महिमाधिक मर्थयन्ते |
svasvādhikāra mahimādhika marthayante |
| श्री वेङ्कटाचलपते तव सुप्रभातम् ‖ 17 ‖ |
śrī veṅkaṭāchalapate tava suprabhātam ‖ 17 ‖ |
| |
|
| सूर्येन्दु भौम बुधवाक्पति काव्यशौरि |
sūryendu bhauma budhavākpati kāvyaśauri |
| स्वर्भानुकेतु दिविशत्-परिशत्-प्रधानाः ❘ |
svarbhānuketu diviśat-pariśat-pradhānāḥ ❘ |
| त्वद्दासदास चरमावधि दासदासाः |
tvaddāsadāsa charamāvadhi dāsadāsāḥ |
| श्री वेङ्कटाचलपते तव सुप्रभातम् ‖ 18 ‖ |
śrī veṅkaṭāchalapate tava suprabhātam ‖ 18 ‖ |
| |
|
| तत्-पादधूलि भरित स्फुरितोत्तमाङ्गाः |
tat-pādadhūḻi bharita sphuritottamāṅgāḥ |
| स्वर्गापवर्ग निरपेक्ष निजान्तरङ्गाः ❘ |
svargāpavarga nirapekśha nijāntaraṅgāḥ ❘ |
| कल्पागमा कलनयाऽऽकुलतां लभन्ते |
kalpāgamā kalanayā’‘kulatāṃ labhante |
| श्री वेङ्कटाचलपते तव सुप्रभातम् ‖ 19 ‖ |
śrī veṅkaṭāchalapate tava suprabhātam ‖ 19 ‖ |
| |
|
| त्वद्गोपुराग्र शिखराणि निरीक्षमाणाः |
tvadgopurāgra śikharāṇi nirīkśhamāṇāḥ |
| स्वर्गापवर्ग पदवीं परमां श्रयन्तः ❘ |
svargāpavarga padavīṃ paramāṃ śrayantaḥ ❘ |
| मर्त्या मनुष्य भुवने मतिमाश्रयन्ते |
martyā manuśhya bhuvane matimāśrayante |
| श्री वेङ्कटाचलपते तव सुप्रभातम् ‖ 20 ‖ |
śrī veṅkaṭāchalapate tava suprabhātam ‖ 20 ‖ |
| |
|
| श्री भूमिनायक दयादि गुणामृताब्दे |
śrī bhūmināyaka dayādi guṇāmṛtābde |
| देवादिदेव जगदेक शरण्यमूर्ते ❘ |
devādideva jagadeka śaraṇyamūrte ❘ |
| श्रीमन्ननन्त गरुडादिभि रर्चिताङ्घ्रे |
śrīmannananta garuḍādibhi rarchitāṅghre |
| श्री वेङ्कटाचलपते तव सुप्रभातम् ‖ 21 ‖ |
śrī veṅkaṭāchalapate tava suprabhātam ‖ 21 ‖ |
| |
|
| श्री पद्मनाभ पुरुषोत्तम वासुदेव |
śrī padmanābha puruśhottama vāsudeva |
| वैकुण्ठ माधव जनार्धन चक्रपाणे ❘ |
vaikuṇṭha mādhava janārdhana chakrapāṇe ❘ |
| श्री वत्स चिह्न शरणागत पारिजात |
śrī vatsa chihna śaraṇāgata pārijāta |
| श्री वेङ्कटाचलपते तव सुप्रभातम् ‖ 22 ‖ |
śrī veṅkaṭāchalapate tava suprabhātam ‖ 22 ‖ |
| |
|
| कन्दर्प दर्प हर सुन्दर दिव्य मूर्ते |
kandarpa darpa hara sundara divya mūrte |
| कान्ता कुचाम्बुरुह कुट्मल लोलदृष्टे ❘ |
kāntā kuchāmburuha kuṭmala loladṛśhṭe ❘ |
| कल्याण निर्मल गुणाकर दिव्यकीर्ते |
kalyāṇa nirmala guṇākara divyakīrte |
| श्री वेङ्कटाचलपते तव सुप्रभातम् ‖ 23 ‖ |
śrī veṅkaṭāchalapate tava suprabhātam ‖ 23 ‖ |
| |
|
| मीनाकृते कमठकोल नृसिंह वर्णिन् |
mīnākṛte kamaṭhakola nṛsiṃha varṇin |
| स्वामिन् परश्वथ तपोधन रामचन्द्र ❘ |
svāmin paraśvatha tapodhana rāmachandra ❘ |
| शेषांशराम यदुनन्दन कल्किरूप |
śeśhāṃśarāma yadunandana kalkirūpa |
| श्री वेङ्कटाचलपते तव सुप्रभातम् ‖ 24 ‖ |
śrī veṅkaṭāchalapate tava suprabhātam ‖ 24 ‖ |
| |
|
| एलालवङ्ग घनसार सुगन्धि तीर्थं |
elālavaṅga ghanasāra sugandhi tīrthaṃ |
| दिव्यं वियत्सरितु हेमघटेषु पूर्णं ❘ |
divyaṃ viyatsaritu hemaghaṭeśhu pūrṇaṃ ❘ |
| धृत्वाद्य वैदिक शिखामणयः प्रहृष्टाः |
dhṛtvādya vaidika śikhāmaṇayaḥ prahṛśhṭāḥ |
| तिष्ठन्ति वेङ्कटपते तव सुप्रभातम् ‖ 25 ‖ |
tiśhṭhanti veṅkaṭapate tava suprabhātam ‖ 25 ‖ |
| |
|
| भास्वानुदेति विकचानि सरोरुहाणि |
bhāsvānudeti vikachāni saroruhāṇi |
| सम्पूरयन्ति निनदैः ककुभो विहङ्गाः ❘ |
sampūrayanti ninadaiḥ kakubho vihaṅgāḥ ❘ |
| श्रीवैष्णवाः सतत मर्थित मङ्गलास्ते |
śrīvaiśhṇavāḥ satata marthita maṅgaḻāste |
| धामाश्रयन्ति तव वेङ्कट सुप्रभातम् ‖ 26 ‖ |
dhāmāśrayanti tava veṅkaṭa suprabhātam ‖ 26 ‖ |
| |
|
| ब्रह्मादया स्सुरवरा स्समहर्षयस्ते |
brahmādayā ssuravarā ssamaharśhayaste |
| सन्तस्सनन्दन मुखास्त्वथ योगिवर्याः ❘ |
santassanandana mukhāstvatha yogivaryāḥ ❘ |
| धामान्तिके तव हि मङ्गल वस्तु हस्ताः |
dhāmāntike tava hi maṅgaḻa vastu hastāḥ |
| श्री वेङ्कटाचलपते तव सुप्रभातम् ‖ 27 ‖ |
śrī veṅkaṭāchalapate tava suprabhātam ‖ 27 ‖ |
| |
|
| लक्श्मीनिवास निरवद्य गुणैक सिन्धो |
lakśmīnivāsa niravadya guṇaika sindho |
| संसारसागर समुत्तरणैक सेतो ❘ |
saṃsārasāgara samuttaraṇaika seto ❘ |
| वेदान्त वेद्य निजवैभव भक्त भोग्य |
vedānta vedya nijavaibhava bhakta bhogya |
| श्री वेङ्कटाचलपते तव सुप्रभातम् ‖ 28 ‖ |
śrī veṅkaṭāchalapate tava suprabhātam ‖ 28 ‖ |
| |
|
| इत्थं वृषाचलपतेरिह सुप्रभातं |
itthaṃ vṛśhāchalapateriha suprabhātaṃ |
| ये मानवाः प्रतिदिनं पठितुं प्रवृत्ताः ❘ |
ye mānavāḥ pratidinaṃ paṭhituṃ pravṛttāḥ ❘ |
| तेषां प्रभात समये स्मृतिरङ्गभाजां |
teśhāṃ prabhāta samaye smṛtiraṅgabhājāṃ |
| प्रज्ञां परार्थ सुलभां परमां प्रसूते ‖ 29 ‖ |
praGYāṃ parārtha sulabhāṃ paramāṃ prasūte ‖ 29 ‖ |
| |
|
| |
|