| |
|
| श्री लक्ष्मी अष्टोत्तर शतनाम स्तोत्रम् |
śrī lakśhmī aśhṭottara śatanāma stotram |
| |
|
| **देव्युवाच |
**devyuvācha |
| ** देवदेव! महादेव! त्रिकालज्ञ! महेश्वर! |
** devadeva! mahādeva! trikālaGYa! maheśvara! |
| करुणाकर देवेश! भक्तानुग्रहकारक! ‖ |
karuṇākara deveśa! bhaktānugrahakāraka! ‖ |
| अष्टोत्तर शतं लक्ष्म्याः श्रोतुमिच्छामि तत्त्वतः ‖ |
aśhṭottara śataṃ lakśhmyāḥ śrotumicChāmi tattvataḥ ‖ |
| |
|
| **ईश्वर उवाच |
**īśvara uvācha |
| ** देवि! साधु महाभागे महाभाग्य प्रदायकं ❘ |
** devi! sādhu mahābhāge mahābhāgya pradāyakaṃ ❘ |
| सर्वैश्वर्यकरं पुण्यं सर्वपाप प्रणाशनम् ‖ |
sarvaiśvaryakaraṃ puṇyaṃ sarvapāpa praṇāśanam ‖ |
| सर्वदारिद्र्य शमनं श्रवणाद्भुक्ति मुक्तिदम् ❘ |
sarvadāridrya śamanaṃ śravaṇādbhukti muktidam ❘ |
| राजवश्यकरं दिव्यं गुह्याद्-गुह्यतरं परं ‖ |
rājavaśyakaraṃ divyaṃ guhyād-guhyataraṃ paraṃ ‖ |
| दुर्लभं सर्वदेवानां चतुष्षष्टि कलास्पदम् ❘ |
durlabhaṃ sarvadevānāṃ chatuśhśhaśhṭi kaḻāspadam ❘ |
| पद्मादीनां वरान्तानां निधीनां नित्यदायकम् ‖ |
padmādīnāṃ varāntānāṃ nidhīnāṃ nityadāyakam ‖ |
| समस्त देव संसेव्यं अणिमाद्यष्ट सिद्धिदं ❘ |
samasta deva saṃsevyaṃ aṇimādyaśhṭa siddhidaṃ ❘ |
| किमत्र बहुनोक्तेन देवी प्रत्यक्षदायकं ‖ |
kimatra bahunoktena devī pratyakśhadāyakaṃ ‖ |
| तव प्रीत्याद्य वक्ष्यामि समाहितमनाश्शृणु ❘ |
tava prītyādya vakśhyāmi samāhitamanāśśṛṇu ❘ |
| अष्टोत्तर शतस्यास्य महालक्ष्मिस्तु देवता ‖ |
aśhṭottara śatasyāsya mahālakśhmistu devatā ‖ |
| क्लीं बीज पदमित्युक्तं शक्तिस्तु भुवनेश्वरी ❘ |
klīṃ bīja padamityuktaṃ śaktistu bhuvaneśvarī ❘ |
| अङ्गन्यासः करन्यासः स इत्यादि प्रकीर्तितः ‖ |
aṅganyāsaḥ karanyāsaḥ sa ityādi prakīrtitaḥ ‖ |
| |
|
| **ध्यानम् |
**dhyānam |
| ** वन्दे पद्मकरां प्रसन्नवदनां सौभाग्यदां भाग्यदां |
** vande padmakarāṃ prasannavadanāṃ saubhāgyadāṃ bhāgyadāṃ |
| हस्ताभ्यामभयप्रदां मणिगणैः नानाविधैः भूषितां ❘ |
hastābhyāmabhayapradāṃ maṇigaṇaiḥ nānāvidhaiḥ bhūśhitāṃ ❘ |
| भक्ताभीष्ट फलप्रदां हरिहर ब्रह्माधिभिस्सेवितां |
bhaktābhīśhṭa phalapradāṃ harihara brahmādhibhissevitāṃ |
| पार्श्वे पङ्कज शङ्खपद्म निधिभिः युक्तां सदा शक्तिभिः ‖ |
pārśve paṅkaja śaṅkhapadma nidhibhiḥ yuktāṃ sadā śaktibhiḥ ‖ |
| |
|
| सरसिज नयने सरोजहस्ते धवल तरांशुक गन्धमाल्य शोभे ❘ |
sarasija nayane sarojahaste dhavaḻa tarāṃśuka gandhamālya śobhe ❘ |
| भगवति हरिवल्लभे मनोज्ञे त्रिभुवन भूतिकरि प्रसीदमह्यम् ‖ |
bhagavati harivallabhe manoGYe tribhuvana bhūtikari prasīdamahyam ‖ |
| |
|
| ॐ |
oṃ |
| प्रकृतिं, विकृतिं, विद्यां, सर्वभूत हितप्रदां ❘ |
prakṛtiṃ, vikṛtiṃ, vidyāṃ, sarvabhūta hitapradāṃ ❘ |
| श्रद्धां, विभूतिं, सुरभिं, नमामि परमात्मिकाम् ‖ 1 ‖ |
śraddhāṃ, vibhūtiṃ, surabhiṃ, namāmi paramātmikām ‖ 1 ‖ |
| |
|
| वाचं, पद्मालयां, पद्मां, शुचिं, स्वाहां, स्वधां, सुधां ❘ |
vāchaṃ, padmālayāṃ, padmāṃ, śuchiṃ, svāhāṃ, svadhāṃ, sudhāṃ ❘ |
| धन्यां, हिरण्ययीं, लक्ष्मीं, नित्यपुष्टां, विभावरीम् ‖ 2 ‖ |
dhanyāṃ, hiraṇyayīṃ, lakśhmīṃ, nityapuśhṭāṃ, vibhāvarīm ‖ 2 ‖ |
| |
|
| अदितिं च, दितिं, दीप्तां, वसुधां, वसुधारिणीं ❘ |
aditiṃ cha, ditiṃ, dīptāṃ, vasudhāṃ, vasudhāriṇīṃ ❘ |
| नमामि कमलां, कान्तां, क्षमां, क्षीरोद सम्भवाम् ‖ 3 ‖ |
namāmi kamalāṃ, kāntāṃ, kśhamāṃ, kśhīroda sambhavām ‖ 3 ‖ |
| |
|
| अनुग्रहपरां, बुद्धिं, अनघां, हरिवल्लभां ❘ |
anugrahaparāṃ, buddhiṃ, anaghāṃ, harivallabhāṃ ❘ |
| अशोका,ममृतां दीप्तां, लोकशोक विनाशिनीम् ‖ 4 ‖ |
aśokā,mamṛtāṃ dīptāṃ, lokaśoka vināśinīm ‖ 4 ‖ |
| |
|
| नमामि धर्मनिलयां, करुणां, लोकमातरं ❘ |
namāmi dharmanilayāṃ, karuṇāṃ, lokamātaraṃ ❘ |
| पद्मप्रियां, पद्महस्तां, पद्माक्षीं, पद्मसुन्दरीम् ‖ 5 ‖ |
padmapriyāṃ, padmahastāṃ, padmākśhīṃ, padmasundarīm ‖ 5 ‖ |
| |
|
| पद्मोद्भवां, पद्ममुखीं, पद्मनाभप्रियां, रमां ❘ |
padmodbhavāṃ, padmamukhīṃ, padmanābhapriyāṃ, ramāṃ ❘ |
| पद्ममालाधरां, देवीं, पद्मिनीं, पद्मगन्धिनीम् ‖ 6 ‖ |
padmamālādharāṃ, devīṃ, padminīṃ, padmagandhinīm ‖ 6 ‖ |
| |
|
| पुण्यगन्धां, सुप्रसन्नां, प्रसादाभिमुखीं, प्रभां ❘ |
puṇyagandhāṃ, suprasannāṃ, prasādābhimukhīṃ, prabhāṃ ❘ |
| नमामि चन्द्रवदनां, चन्द्रां, चन्द्रसहोदरीम् ‖ 7 ‖ |
namāmi chandravadanāṃ, chandrāṃ, chandrasahodarīm ‖ 7 ‖ |
| |
|
| चतुर्भुजां, चन्द्ररूपां, इन्दिरा,मिन्दुशीतलां ❘ |
chaturbhujāṃ, chandrarūpāṃ, indirā,minduśītalāṃ ❘ |
| आह्लाद जननीं, पुष्टिं, शिवां, शिवकरीं, सतीम् ‖ 8 ‖ |
āhlāda jananīṃ, puśhṭiṃ, śivāṃ, śivakarīṃ, satīm ‖ 8 ‖ |
| |
|
| विमलां, विश्वजननीं, तुष्टिं, दारिद्र्य नाशिनीं ❘ |
vimalāṃ, viśvajananīṃ, tuśhṭiṃ, dāridrya nāśinīṃ ❘ |
| प्रीति पुष्करिणीं, शान्तां, शुक्लमाल्याम्बरां, श्रियम् ‖ 9 ‖ |
prīti puśhkariṇīṃ, śāntāṃ, śuklamālyāmbarāṃ, śriyam ‖ 9 ‖ |
| |
|
| भास्करीं, बिल्वनिलयां, वरारोहां, यशस्विनीं ❘ |
bhāskarīṃ, bilvanilayāṃ, varārohāṃ, yaśasvinīṃ ❘ |
| वसुन्धरा, मुदाराङ्गां, हरिणीं, हेममालिनीम् ‖ 10 ‖ |
vasundharā, mudārāṅgāṃ, hariṇīṃ, hemamālinīm ‖ 10 ‖ |
| |
|
| धनधान्यकरीं, सिद्धिं, स्रैणसौम्यां, शुभप्रदां ❘ |
dhanadhānyakarīṃ, siddhiṃ, sraiṇasaumyāṃ, śubhapradāṃ ❘ |
| नृपवेश्म गतानन्दां, वरलक्ष्मीं, वसुप्रदाम् ‖ 11 ‖ |
nṛpaveśma gatānandāṃ, varalakśhmīṃ, vasupradām ‖ 11 ‖ |
| |
|
| शुभां, हिरण्यप्राकारां, समुद्रतनयां, जयां ❘ |
śubhāṃ, hiraṇyaprākārāṃ, samudratanayāṃ, jayāṃ ❘ |
| नमामि मङ्गलां देवीं, विष्णु वक्षःस्थल स्थिताम् ‖ 12 ‖ |
namāmi maṅgaḻāṃ devīṃ, viśhṇu vakśhaḥsthala sthitām ‖ 12 ‖ |
| |
|
| विष्णुपत्नीं, प्रसन्नाक्षीं, नारायण समाश्रितां ❘ |
viśhṇupatnīṃ, prasannākśhīṃ, nārāyaṇa samāśritāṃ ❘ |
| दारिद्र्य ध्वंसिनीं, देवीं, सर्वोपद्रव वारिणीम् ‖ 13 ‖ |
dāridrya dhvaṃsinīṃ, devīṃ, sarvopadrava vāriṇīm ‖ 13 ‖ |
| |
|
| नवदुर्गां, महाकालीं, ब्रह्म विष्णु शिवात्मिकां ❘ |
navadurgāṃ, mahākāḻīṃ, brahma viśhṇu śivātmikāṃ ❘ |
| त्रिकालज्ञान सम्पन्नां, नमामि भुवनेश्वरीम् ‖ 14 ‖ |
trikālaGYāna sampannāṃ, namāmi bhuvaneśvarīm ‖ 14 ‖ |
| |
|
| लक्ष्मीं क्षीरसमुद्रराज तनयां श्रीरङ्गधामेश्वरीं ❘ |
lakśhmīṃ kśhīrasamudrarāja tanayāṃ śrīraṅgadhāmeśvarīṃ ❘ |
| दासीभूत समस्तदेव वनितां लोकैक दीपाङ्कुराम् ‖ |
dāsībhūta samastadeva vanitāṃ lokaika dīpāṅkurām ‖ |
| श्रीमन्मन्द कटाक्ष लब्ध विभवद्-ब्रह्मेन्द्र गङ्गाधरां ❘ |
śrīmanmanda kaṭākśha labdha vibhavad-brahmendra gaṅgādharāṃ ❘ |
| त्वां त्रैलोक्य कुटुम्बिनीं सरसिजां वन्दे मुकुन्दप्रियाम् ‖ 15 ‖ |
tvāṃ trailokya kuṭumbinīṃ sarasijāṃ vande mukundapriyām ‖ 15 ‖ |
| |
|
| मातर्नमामि! कमले! कमलायताक्षि! |
mātarnamāmi! kamale! kamalāyatākśhi! |
| श्री विष्णु हृत्-कमलवासिनि! विश्वमातः! |
śrī viśhṇu hṛt-kamalavāsini! viśvamātaḥ! |
| क्षीरोदजे कमल कोमल गर्भगौरि! |
kśhīrodaje kamala komala garbhagauri! |
| लक्ष्मी! प्रसीद सततं समतां शरण्ये ‖ 16 ‖ |
lakśhmī! prasīda satataṃ samatāṃ śaraṇye ‖ 16 ‖ |
| |
|
| त्रिकालं यो जपेत् विद्वान् षण्मासं विजितेन्द्रियः ❘ |
trikālaṃ yo japet vidvān śhaṇmāsaṃ vijitendriyaḥ ❘ |
| दारिद्र्य ध्वंसनं कृत्वा सर्वमाप्नोत्-ययत्नतः ❘ |
dāridrya dhvaṃsanaṃ kṛtvā sarvamāpnot-yayatnataḥ ❘ |
| देवीनाम सहस्रेषु पुण्यमष्टोत्तरं शतं ❘ |
devīnāma sahasreśhu puṇyamaśhṭottaraṃ śataṃ ❘ |
| येन श्रिय मवाप्नोति कोटिजन्म दरिद्रतः ‖ 17 ‖ |
yena śriya mavāpnoti koṭijanma daridrataḥ ‖ 17 ‖ |
| |
|
| भृगुवारे शतं धीमान् पठेत् वत्सरमात्रकं ❘ |
bhṛguvāre śataṃ dhīmān paṭhet vatsaramātrakaṃ ❘ |
| अष्टैश्वर्य मवाप्नोति कुबेर इव भूतले ‖ |
aśhṭaiśvarya mavāpnoti kubera iva bhūtale ‖ |
| दारिद्र्य मोचनं नाम स्तोत्रमम्बापरं शतं ❘ |
dāridrya mochanaṃ nāma stotramambāparaṃ śataṃ ❘ |
| येन श्रिय मवाप्नोति कोटिजन्म दरिद्रतः ‖ 18 ‖ |
yena śriya mavāpnoti koṭijanma daridrataḥ ‖ 18 ‖ |
| |
|
| भुक्त्वातु विपुलान् भोगान् अन्ते सायुज्यमाप्नुयात् ❘ |
bhuktvātu vipulān bhogān ante sāyujyamāpnuyāt ❘ |
| प्रातःकाले पठेन्नित्यं सर्व दुःखोप शान्तये ❘ |
prātaḥkāle paṭhennityaṃ sarva duḥkhopa śāntaye ❘ |
| पठन्तु चिन्तयेद्देवीं सर्वाभरण भूषिताम् ‖ 19 ‖ |
paṭhantu chintayeddevīṃ sarvābharaṇa bhūśhitām ‖ 19 ‖ |
| |
|
| इति श्री लक्ष्मी अष्टोत्तर शतनाम स्तोत्रं सम्पूर्णम् |
iti śrī lakśhmī aśhṭottara śatanāma stotraṃ sampūrṇam |
| |
|