| |
|
| शिव ताण्डव स्तोत्रम् |
śiva tāṇḍava stotram |
| |
|
| जटाटवीगलज्जलप्रवाहपावितस्थले |
jaṭāṭavīgalajjalapravāhapāvitasthale |
| गलेवलम्ब्य लम्बितां भुजङ्गतुङ्गमालिकाम् ❘ |
galevalambya lambitāṃ bhujaṅgatuṅgamālikām ❘ |
| डमड्डमड्डमड्डमन्निनादवड्डमर्वयं |
ḍamaḍḍamaḍḍamaḍḍamanninādavaḍḍamarvayaṃ |
| चकार चण्डताण्डवं तनोतु नः शिवः शिवम् ‖ 1 ‖ |
chakāra chaṇḍatāṇḍavaṃ tanotu naḥ śivaḥ śivam ‖ 1 ‖ |
| |
|
| जटाकटाहसम्भ्रमभ्रमन्निलिम्पनिर्झरी- |
jaṭākaṭāhasambhramabhramannilimpanirjharī- |
| -विलोलवीचिवल्लरीविराजमानमूर्धनि ❘ |
-vilolavīchivallarīvirājamānamūrdhani ❘ |
| धगद्धगद्धगज्ज्वलल्ललाटपट्टपावके |
dhagaddhagaddhagajjvalallalāṭapaṭṭapāvake |
| किशोरचन्द्रशेखरे रतिः प्रतिक्षणं मम ‖ 2 ‖ |
kiśorachandraśekhare ratiḥ pratikśhaṇaṃ mama ‖ 2 ‖ |
| |
|
| धराधरेन्द्रनन्दिनीविलासबन्धुबन्धुर |
dharādharendranandinīvilāsabandhubandhura |
| स्फुरद्दिगन्तसन्ततिप्रमोदमानमानसे ❘ |
sphuraddigantasantatipramodamānamānase ❘ |
| कृपाकटाक्षधोरणीनिरुद्धदुर्धरापदि |
kṛpākaṭākśhadhoraṇīniruddhadurdharāpadi |
| क्वचिद्दिगम्बरे मनो विनोदमेतु वस्तुनि ‖ 3 ‖ |
kvachiddigambare mano vinodametu vastuni ‖ 3 ‖ |
| |
|
| जटाभुजङ्गपिङ्गलस्फुरत्फणामणिप्रभा |
jaṭābhujaṅgapiṅgaḻasphuratphaṇāmaṇiprabhā |
| कदम्बकुङ्कुमद्रवप्रलिप्तदिग्वधूमुखे ❘ |
kadambakuṅkumadravapraliptadigvadhūmukhe ❘ |
| मदान्धसिन्धुरस्फुरत्त्वगुत्तरीयमेदुरे |
madāndhasindhurasphurattvaguttarīyamedure |
| मनो विनोदमद्भुतं बिभर्तु भूतभर्तरि ‖ 4 ‖ |
mano vinodamadbhutaṃ bibhartu bhūtabhartari ‖ 4 ‖ |
| |
|
| सहस्रलोचनप्रभृत्यशेषलेखशेखर |
sahasralochanaprabhṛtyaśeśhalekhaśekhara |
| प्रसूनधूलिधोरणी विधूसराङ्घ्रिपीठभूः ❘ |
prasūnadhūḻidhoraṇī vidhūsarāṅghripīṭhabhūḥ ❘ |
| भुजङ्गराजमालया निबद्धजाटजूटक |
bhujaṅgarājamālayā nibaddhajāṭajūṭaka |
| श्रियै चिराय जायतां चकोरबन्धुशेखरः ‖ 5 ‖ |
śriyai chirāya jāyatāṃ chakorabandhuśekharaḥ ‖ 5 ‖ |
| |
|
| ललाटचत्वरज्वलद्धनञ्जयस्फुलिङ्गभा- |
lalāṭachatvarajvaladdhanañjayasphuliṅgabhā- |
| -निपीतपञ्चसायकं नमन्निलिम्पनायकम् ❘ |
-nipītapañchasāyakaṃ namannilimpanāyakam ❘ |
| सुधामयूखलेखया विराजमानशेखरं |
sudhāmayūkhalekhayā virājamānaśekharaṃ |
| महाकपालिसम्पदेशिरोजटालमस्तु नः ‖ 6 ‖ |
mahākapālisampadeśirojaṭālamastu naḥ ‖ 6 ‖ |
| |
|
| करालफालपट्टिकाधगद्धगद्धगज्ज्वल- |
karālaphālapaṭṭikādhagaddhagaddhagajjvala- |
| द्धनञ्जयाधरीकृतप्रचण्डपञ्चसायके ❘ |
ddhanañjayādharīkṛtaprachaṇḍapañchasāyake ❘ |
| धराधरेन्द्रनन्दिनीकुचाग्रचित्रपत्रक- |
dharādharendranandinīkuchāgrachitrapatraka- |
| -प्रकल्पनैकशिल्पिनि त्रिलोचने मतिर्मम ‖ 7 ‖ |
-prakalpanaikaśilpini trilochane matirmama ‖ 7 ‖ |
| |
|
| नवीनमेघमण्डली निरुद्धदुर्धरस्फुरत्- |
navīnameghamaṇḍalī niruddhadurdharasphurat- |
| कुहूनिशीथिनीतमः प्रबन्धबन्धुकन्धरः ❘ |
kuhūniśīthinītamaḥ prabandhabandhukandharaḥ ❘ |
| निलिम्पनिर्झरीधरस्तनोतु कृत्तिसिन्धुरः |
nilimpanirjharīdharastanotu kṛttisindhuraḥ |
| कलानिधानबन्धुरः श्रियं जगद्धुरन्धरः ‖ 8 ‖ |
kaḻānidhānabandhuraḥ śriyaṃ jagaddhurandharaḥ ‖ 8 ‖ |
| |
|
| प्रफुल्लनीलपङ्कजप्रपञ्चकालिमप्रभा- |
praphullanīlapaṅkajaprapañchakālimaprabhā- |
| -विलम्बिकण्ठकन्दलीरुचिप्रबद्धकन्धरम् ❘ |
-vilambikaṇṭhakandalīruchiprabaddhakandharam ❘ |
| स्मरच्छिदं पुरच्छिदं भवच्छिदं मखच्छिदं |
smarachChidaṃ purachChidaṃ bhavachChidaṃ makhachChidaṃ |
| गजच्छिदान्धकच्छिदं तमन्तकच्छिदं भजे ‖ 9 ‖ |
gajachChidāndhakachChidaṃ tamantakachChidaṃ bhaje ‖ 9 ‖ |
| |
|
| अगर्वसर्वमङ्गलाकलाकदम्बमञ्जरी |
agarvasarvamaṅgaḻākaḻākadambamañjarī |
| रसप्रवाहमाधुरी विजृम्भणामधुव्रतम् ❘ |
rasapravāhamādhurī vijṛmbhaṇāmadhuvratam ❘ |
| स्मरान्तकं पुरान्तकं भवान्तकं मखान्तकं |
smarāntakaṃ purāntakaṃ bhavāntakaṃ makhāntakaṃ |
| गजान्तकान्धकान्तकं तमन्तकान्तकं भजे ‖ 10 ‖ |
gajāntakāndhakāntakaṃ tamantakāntakaṃ bhaje ‖ 10 ‖ |
| |
|
| जयत्वदभ्रविभ्रमभ्रमद्भुजङ्गमश्वस- |
jayatvadabhravibhramabhramadbhujaṅgamaśvasa- |
| -द्विनिर्गमत्क्रमस्फुरत्करालफालहव्यवाट् ❘ |
-dvinirgamatkramasphuratkarālaphālahavyavāṭ ❘ |
| धिमिद्धिमिद्धिमिध्वनन्मृदङ्गतुङ्गमङ्गल |
dhimiddhimiddhimidhvananmṛdaṅgatuṅgamaṅgaḻa |
| ध्वनिक्रमप्रवर्तित प्रचण्डताण्डवः शिवः ‖ 11 ‖ |
dhvanikramapravartita prachaṇḍatāṇḍavaḥ śivaḥ ‖ 11 ‖ |
| |
|
| दृषद्विचित्रतल्पयोर्भुजङ्गमौक्तिकस्रजोर्- |
dṛśhadvichitratalpayorbhujaṅgamauktikasrajor- |
| -गरिष्ठरत्नलोष्ठयोः सुहृद्विपक्षपक्षयोः ❘ |
-gariśhṭharatnalośhṭhayoḥ suhṛdvipakśhapakśhayoḥ ❘ |
| तृष्णारविन्दचक्षुषोः प्रजामहीमहेन्द्रयोः |
tṛśhṇāravindachakśhuśhoḥ prajāmahīmahendrayoḥ |
| समं प्रवर्तयन्मनः कदा सदाशिवं भजे ‖ 12 ‖ |
samaṃ pravartayanmanaḥ kadā sadāśivaṃ bhaje ‖ 12 ‖ |
| |
|
| कदा निलिम्पनिर्झरीनिकुञ्जकोटरे वसन् |
kadā nilimpanirjharīnikuñjakoṭare vasan |
| विमुक्तदुर्मतिः सदा शिरःस्थमञ्जलिं वहन् ❘ |
vimuktadurmatiḥ sadā śiraḥsthamañjaliṃ vahan ❘ |
| विमुक्तलोललोचनो ललाटफाललग्नकः |
vimuktalolalochano lalāṭaphālalagnakaḥ |
| शिवेति मन्त्रमुच्चरन् सदा सुखी भवाम्यहम् ‖ 13 ‖ |
śiveti mantramuchcharan sadā sukhī bhavāmyaham ‖ 13 ‖ |
| |
|
| इमं हि नित्यमेवमुक्तमुत्तमोत्तमं स्तवं |
imaṃ hi nityamevamuktamuttamottamaṃ stavaṃ |
| पठन्स्मरन्ब्रुवन्नरो विशुद्धिमेतिसन्ततम् ❘ |
paṭhansmaranbruvannaro viśuddhimetisantatam ❘ |
| हरे गुरौ सुभक्तिमाशु याति नान्यथा गतिं |
hare gurau subhaktimāśu yāti nānyathā gatiṃ |
| विमोहनं हि देहिनां सुशङ्करस्य चिन्तनम् ‖ 14 ‖ |
vimohanaṃ hi dehināṃ suśaṅkarasya chintanam ‖ 14 ‖ |
| |
|
| पूजावसानसमये दशवक्त्रगीतं यः |
pūjāvasānasamaye daśavaktragītaṃ yaḥ |
| शम्भुपूजनपरं पठति प्रदोषे ❘ |
śambhupūjanaparaṃ paṭhati pradośhe ❘ |
| तस्य स्थिरां रथगजेन्द्रतुरङ्गयुक्तां |
tasya sthirāṃ rathagajendraturaṅgayuktāṃ |
| लक्ष्मीं सदैव सुमुखिं प्रददाति शम्भुः ‖ 15 ‖ |
lakśhmīṃ sadaiva sumukhiṃ pradadāti śambhuḥ ‖ 15 ‖ |
| |
|
| |
|