| |
|
| शिव भुजङ्ग प्रयात स्तोत्रम् |
śiva bhujaṅga prayāta stotram |
| |
|
| |
|
| कृपासागरायाशुकाव्यप्रदाय |
kṛpāsāgarāyāśukāvyapradāya |
| प्रणम्राखिलाभीष्टसन्दायकाय ❘ |
praṇamrākhilābhīśhṭasandāyakāya ❘ |
| यतीन्द्रैरुपास्याङ्घ्रिपाथोरुहाय |
yatīndrairupāsyāṅghripāthoruhāya |
| प्रबोधप्रदात्रे नमः शङ्कराय ‖1‖ |
prabodhapradātre namaḥ śaṅkarāya ‖1‖ |
| |
|
| चिदानन्दरूपाय चिन्मुद्रिकोद्य- |
cidānandarūpāya cinmudrikodya- |
| त्करायेशपर्यायरूपाय तुभ्यम् ❘ |
tkarāyeśaparyāyarūpāya tubhyam ❘ |
| मुदा गीयमानाय वेदोत्तमाङ्गैः |
mudā gīyamānāya vedottamāṅgaiḥ |
| श्रितानन्ददात्रे नमः शङ्कराय ‖2‖ |
śritānandadātre namaḥ śaṅkarāya ‖2‖ |
| |
|
| जटाजूटमध्ये पुरा या सुराणां |
jaṭājūṭamadhye purā yā surāṇāṃ |
| धुनी साद्य कर्मन्दिरूपस्य शम्भोः |
dhunī sādya karmandirūpasya śambhoḥ |
| गले मल्लिकामालिकाव्याजतस्ते |
gale mallikāmālikāvyājataste |
| विभातीति मन्ये गुरो किं तथैव ‖3‖ |
vibhātīti manye guro kiṃ tathaiva ‖3‖ |
| |
|
| नखेन्दुप्रभाधूतनम्रालिहार्दा- |
nakhenduprabhādhūtanamrālihārdā- |
| न्धकारव्रजायाब्जमन्दस्मिताय ❘ |
ndhakāravrajāyābjamandasmitāya ❘ |
| महामोहपाथोनिधेर्बाडबाय |
mahāmohapāthonidherbāḍabāya |
| प्रशान्ताय कुर्मो नमः शङ्कराय ‖4‖ |
praśāntāya kurmo namaḥ śaṅkarāya ‖4‖ |
| |
|
| प्रणम्रान्तरङ्गाब्जबोधप्रदात्रे |
praṇamrāntaraṅgābjabodhapradātre |
| दिवारात्रमव्याहतोस्राय कामम् ❘ |
divārātramavyāhatosrāya kāmam ❘ |
| क्षपेशाय चित्राय लक्ष्म क्षयाभ्यां |
kśhapeśāya citrāya lakśhma kśhayābhyāṃ |
| विहीनाय कुर्मो नमः शङ्कराय ‖5‖ |
vihīnāya kurmo namaḥ śaṅkarāya ‖5‖ |
| |
|
| प्रणम्रास्यपाथोजमोदप्रदात्रे |
praṇamrāsyapāthojamodapradātre |
| सदान्तस्तमस्तोमसंहारकर्त्रे ❘ |
sadāntastamastomasaṃhārakartre ❘ |
| रजन्या मपीद्धप्रकाशाय कुर्मो |
rajanyā mapīddhaprakāśāya kurmo |
| ह्यपूर्वाय पूष्णे नमः शङ्कराय ‖6‖ |
hyapūrvāya pūśhṇe namaḥ śaṅkarāya ‖6‖ |
| |
|
| नतानां हृदब्जानि फुल्लानि शीघ्रं |
natānāṃ hṛdabjāni phullāni śīghraṃ |
| करोम्याशु योगप्रदानेन नूनम् ❘ |
karomyāśu yogapradānena nūnam ❘ |
| प्रबोधाय चेत्थं सरोजानि धत्से |
prabodhāya cetthaṃ sarojāni dhatse |
| प्रफुल्लानि किं भो गुरो ब्रूहि मह्यम् ‖7‖ |
praphullāni kiṃ bho guro brūhi mahyam ‖7‖ |
| |
|
| प्रभाधूतचन्द्रायुतायाखिलेष्ट- |
prabhādhūtacandrāyutāyākhileśhṭa- |
| प्रदायानतानां समूहाय शीघ्रम्❘ |
pradāyānatānāṃ samūhāya śīghram❘ |
| प्रतीपाय नम्रौघदुःखाघपङ्क्ते- |
pratīpāya namraughaduḥkhāghapaṅkte- |
| र्मुदा सर्वदा स्यान्नमः शङ्कराय ‖8‖ |
rmudā sarvadā syānnamaḥ śaṅkarāya ‖8‖ |
| |
|
| विनिष्कासितानीश तत्त्वावबोधा - |
viniśhkāsitānīśa tattvāvabodhā - |
| न्नतानां मनोभ्यो ह्यनन्याश्रयाणि ❘ |
nnatānāṃ manobhyo hyananyāśrayāṇi ❘ |
| रजांसि प्रपन्नानि पादाम्बुजातं |
rajāṃsi prapannāni pādāmbujātaṃ |
| गुरो रक्तवस्त्रापदेशाद्बिभर्षि ‖9‖ |
guro raktavastrāpadeśādbibharśhi ‖9‖ |
| |
|
| मतेर्वेदशीर्षाध्वसम्प्रापकाया- |
matervedaśīrśhādhvasamprāpakāyā- |
| नतानां जनानां कृपार्द्रैः कटाक्षैः ❘ |
natānāṃ janānāṃ kṛpārdraiḥ kaṭākśhaiḥ ❘ |
| ततेः पापबृन्दस्य शीघ्रं निहन्त्रे |
tateḥ pāpabṛndasya śīghraṃ nihantre |
| स्मितास्याय कुर्मो नमः शङ्कराय ‖10‖ |
smitāsyāya kurmo namaḥ śaṅkarāya ‖10‖ |
| |
|
| सुपर्वोक्तिगन्धेन हीनाय तूर्णं |
suparvoktigandhena hīnāya tūrṇaṃ |
| पुरा तोटकायाखिलज्ञानदात्रे❘ |
purā toṭakāyākhilaGYānadātre❘ |
| प्रवालीयगर्वापहारस्य कर्त्रे |
pravālīyagarvāpahārasya kartre |
| पदाब्जम्रदिम्ना नमः शङ्कराय ‖11‖ |
padābjamradimnā namaḥ śaṅkarāya ‖11‖ |
| |
|
| भवाम्भोधिमग्नान्जनान्दुःखयुक्तान् |
bhavāmbhodhimagnānjanānduḥkhayuktān |
| जवादुद्दिधीर्षुर्भवानित्यहोऽहम् ❘ |
javāduddidhīrśhurbhavānityahoaham ❘ |
| विदित्वा हि ते कीर्तिमन्यादृशाम्भो |
viditvā hi te kīrtimanyādṛśāmbho |
| सुखं निर्विशङ्कः स्वपिम्यस्तयत्नः ‖12‖ |
sukhaṃ nirviśaṅkaḥ svapimyastayatnaḥ ‖12‖ |
| |
|
| ‖इति श्रीशङ्कराचार्य भुजङ्गप्रयातस्तोत्रम्‖ |
‖iti śrīśaṅkarācārya bhujaṅgaprayātastotram‖ |
| |
|
| |
|